(٣٧٤٢٥) حضرت ابن ابی نجیح ، مجاہد اور عطائ کے بارے میں روایت بیان کرتے ہیں کہ میں نے ان دونوں سے اس عورت کے بارے میں پوچھا جو مکہ میں عمرہ کے لیے آئے اور حائضہ ہوجائے ۔ اور اس کو حج کے فوت ہونے کا اندیشہ ہو ؟ تو ان دونوں نے فرمایا : یہ عورت حج کا تلبیہ کہہ لے گی اور اس کو پورا کرے گی۔
اور (امام) ابوحنیفہ کا قول یہ ذکر کیا گیا ہے کہ : عورت حج کو چھوڑ دے گی اور اس پر دَم واجب ہوگا اور عمرہ کی جگہ عمرہ ادا کرنا ہوگا۔