(٣٧٤٤٧) حضرت حکیم بن حزام سے روایت ہے کہ نبی کریم (صلی اللہ علیہ وآلہ وسلم) نے انھیں ایک دینار کے بدلے میں قربانی خریدنے کے لیے بھیجا۔ انھوں نے قربانی (کا جانور) خریدا پھر اس کو دو دیناروں میں بیچ دیا پھر آپ نے ایک دینار میں بکری خرید لی اور آپ (صلی اللہ علیہ وآلہ وسلم) کے پاس ایک دینار (بھی) لے کر حاضر ہوئے تو آپ (صلی اللہ علیہ وآلہ وسلم) نے ان کو برکت کی دعا دی اور انھیں دینار صدقہ کرنے کا حکم فرمایا۔
اور (امام) ابوحنیفہ کا قول یہ ذکر کیا گیا ہے کہ : جب مؤکل کے حکم کے بغیر وکیل بیع کرے تو ضامن ہوگا۔