(٣٧٥٠١) حضرت کبشہ بنت کعب سے روایت ہے یہ ابو قتادہ کی اولاد میں سے کسی کے حرم میں تھیں۔ کہ انھوں نے حضرت ابو قتادہ کے وضو کے لیے پانی بہایا۔ ایک بلی نے آکر پانی پینا شروع کیا۔ تو ابو قتادہ نے بلی کے لیے برتن جھکا دیا۔ میں دیکھنے لگ گئی تو انھوں نے فرمایا : اے بھتیجی ! آپ تعجب کرتی ہیں ؟ رسول اللہ (صلی اللہ علیہ وآلہ وسلم) نے ارشاد فرمایا ہے۔ بلی نجس نہیں ہے۔ کیونکہ یہ تم پر بار بار آنے والوں یا بار بار آنے والیوں میں سے ہے۔