(٣٧٥٨٢) حضرت ہشام بن اسحق بن عبداللہ بن کنانہ اپنے والد سے روایت کرتے ہیں کہ مجھے گورنروں میں سے ایک گورنر نے حضرت ابن عباس کے پاس استسقاء سے متعلق سوال کرنے کے لیے بھیجا۔ ابن عباس نے فرمایا : امیر کو مجھ سے سوال کرنے سے کس چیز نے روکا ہے ؟ نبی کریم (صلی اللہ علیہ وآلہ وسلم) تواضع، مسکنت، خشوع، عاجزی، اور ترسل (آہستہ چلنا) کی حالت میں نکلے ۔ پس آپ (صلی اللہ علیہ وآلہ وسلم) نے عید کی نماز کی طرح سے دو رکعات پڑھیں اور تمہارے اس خطبہ کی طرح خطبہ ارشاد نہیں فرمایا۔