(٣٧٥٨٨) حضرت حسین بن بشیر اپنے والد سے روایت کرتے ہیں کہ میں اور محمد بن علی ، حضرت جابر بن عبداللہ کے ہاں داخل ہوئے۔ ہم نے ان سے پوچھا۔ آپ ہمیں بتائیے کہ نبی کریم (صلی اللہ علیہ وآلہ وسلم) کے ہمراہ نماز کس طرح ادا کی جاتی تھی ؟ آپ نے فرمایا۔ نبی کریم (صلی اللہ علیہ وآلہ وسلم) نے ہمیں عشاء کی نماز شفق کے غائب ہونے پر پڑھائی۔ پھر اگلے روز نبی کریم (صلی اللہ علیہ وآلہ وسلم) نے ہمیں نماز عشاء کی رات کے ایک تہائی گزرنے پر پڑھائی۔