(٣٧٧٧) حضرت عبادہ بن صامت فرماتے ہیں کہ حضور (صلی اللہ علیہ وآلہ وسلم) نے ہمیں عشاء کی نماز پڑھائی، نماز میں آپ کو قراءت بوجھل محسوس ہورہی تھی۔ جب آپ نماز سے فارغ ہوئے تو آپ نے فرمایا کہ شاید تم اپنے امام کے پیچھے قراءت کررہے تھے ؟ ہم نے کہا جی ہاں، یا رسول اللہ ! ہم ایسا ہی کررہے تھے۔ آپ (صلی اللہ علیہ وآلہ وسلم) نے فرمایا کہ تم امام کے پیچھے صرف سورة الفاتحہ کی تلاوت کیا کرو، کیونکہ اس کے بغیر نماز نہیں ہوتی۔