(٣٧٩٠٨) حضرت جابر بن عبداللہ بیان کرتے ہیں کہ نبی کریم (صلی اللہ علیہ وآلہ وسلم) احد کے مقتولین میں سے دو دو آدمیوں کو ایک کپڑے میں اکٹھا کرتے تھے ۔ پھر آپ (صلی اللہ علیہ وآلہ وسلم) پوچھتے۔ ان میں سے قرآن مجید کو زیادہ جاننے والا کون ہے ؟ پس جب آپ (صلی اللہ علیہ وآلہ وسلم) کو ان میں سے ایک کی طرف اشارہ کیا جاتا تو آپ (صلی اللہ علیہ وآلہ وسلم) اس کو قبر میں پہلے اتارتے اور فرماتے۔ میں ان لوگوں پر قیامت کے دن گواہ ہوں گا۔ آپ (صلی اللہ علیہ وآلہ وسلم) نے مقتولین کو ان کے خون سمیت دفن کرنے کا حکم دیا اور آپ (صلی اللہ علیہ وآلہ وسلم) نے ان پر جنازہ بھی نہیں پڑھایا اور انھیں غسل بھی نہیں دیا گیا۔