(٣٧٩٢١) حضرت ابن عمر سے روایت ہے۔ مجھے احد کے دن نبی کریم (صلی اللہ علیہ وآلہ وسلم) کی خدمت میں پیش کیا گیا ۔ جبکہ میری عمر چودہ سال کی تھی۔ تو آپ (صلی اللہ علیہ وآلہ وسلم) نے مجھے چھوٹا سمجھا اور (پھر) مجھے آپ (صلی اللہ علیہ وآلہ وسلم) پر خندق کے دن پیش کیا گیا۔ جبکہ میری عمر پندرہ سال کی تھی۔ تو آپ (صلی اللہ علیہ وآلہ وسلم) نے مجھے (شرکتِ جہاد کی) اجازت مرحمت فرما دی۔ حضرت نافع کہتے ہیں۔ میں نے یہ حدیث حضرت عمر بن عبد العزیز کو بیان فرمائی تو انھوں نے کہا : یہ (مقدارِ عمر) چھوٹے، بڑے کے درمیان حد فاصل ہے۔ پھر انھوں نے اپنے عامل کو یہ تحریر لکھ کر بھیجی کہ پندرہ سال والے کے لیے مقاتلین میں اور چودہ سال والے کے لیے ذریۃ میں حصہ مقرر کریں۔