(٣٧٩٧٦) حضرت عبداللہ سے روایت ہے کہ مشرکین نے خندق والے دن نبی کریم (صلی اللہ علیہ وآلہ وسلم) کو چار نماز سے مشغول رکھا یہاں تک کہ رات کا جتنا حصہ اللہ نے چاہا گزر گیا پھر آپ (صلی اللہ علیہ وآلہ وسلم) نے حضرت بلال کو حکم دیا ۔ انھوں نے اذان دی اور اقامت کہی اور آپ (صلی اللہ علیہ وآلہ وسلم) نے ظہر کی نماز پڑھی پھر حضرت بلال نے اقامت کہی اور آپ (صلی اللہ علیہ وآلہ وسلم) نے عصر کی نماز پڑھی پھر حضرت بلال نے اقامت کہی اور آپ (صلی اللہ علیہ وآلہ وسلم) نے مغرب کی نماز پڑھی پھر حضرت بلال نے اقامت کہی اور آپ (صلی اللہ علیہ وآلہ وسلم) نے عشاء کی نماز پڑھی۔