(٣٨٠٠١) حضرت ایاس بن سلمہ، اپنے والد سے روایت کرتے ہیں کہ ہم رسول اللہ (صلی اللہ علیہ وآلہ وسلم) کے ساتھ غزوہ حدیبیہ میں نکلے اور آپ (صلی اللہ علیہ وآلہ وسلم) نے ایک صد جانور نحر کئے۔ ہماری تعداد سترہ سو تھی اور ان کے پاس، اسلحہ ، افراد اور گھوڑوں کی تیاری بھی تھی۔ آپ (صلی اللہ علیہ وآلہ وسلم) کے جانوروں میں اونٹ بھی تھا۔ آپ (صلی اللہ علیہ وآلہ وسلم) نے حدیبیہ میں پڑاؤ ڈالا تو قریش نے آپ (صلی اللہ علیہ وآلہ وسلم) سے اس بات پر صلح کرلی کہ ہم نے جہاں پر ہدی کے جانوروں کو روکا ہے وہیں پر ان کو حلال کردیا جائے۔