(٣٨٠٧١) حضرت انس سے روایت ہے کہ اہل مکہ میں سے اسی (٨٠) افراد، جبل تنعیم سے جناب نبی کریم (صلی اللہ علیہ وآلہ وسلم) پر (حملہ کے لئے) اُترے اور آپ (صلی اللہ علیہ وآلہ وسلم) نے ان کو صحیح وسالم پکڑ لیا پھر آپ (صلی اللہ علیہ وآلہ وسلم) نے انھیں معاف فرما دیا۔ اور یہ آیت نازل ہوئی ۔ (ترجمہ) اور وہی اللہ ہے جس نے مکہ کی وادی میں ان کے ہاتھوں کو تم تک پہنچنے سے اور تمہارے ہاتھوں کو ان تک پہنچنے سے روک دیا۔ جبکہ وہ تمہیں ان پر قابو دے چکا تھا۔