(٣٨١٠١) حضرت عبد الرحمن بن ازہر سے روایت کرتے ہیں کہ میں نے رسول اللہ (صلی اللہ علیہ وآلہ وسلم) کو فتح مکہ کے سال دیکھا جبکہ میں ایک نو عمر لڑکا تھا۔ آپ (صلی اللہ علیہ وآلہ وسلم) حضرت خالد بن ولید کے گھر کا پوچھ رہے تھے۔ پھر آپ (صلی اللہ علیہ وآلہ وسلم) کی خدمت میں ایک شرابی کو لایا گیا تو آپ (صلی اللہ علیہ وآلہ وسلم) نے صحابہ کو حکم دیا چنانچہ جو کچھ ان کے ہاتھ میں تھا انھوں نے اسے مارنا شروع کیا۔ کچھ نے کوڑے کے ساتھ اور کچھ نے جوتیوں کے ساتھ اور کچھ نے لاٹھی کے ساتھ مارا۔ نبی کریم (صلی اللہ علیہ وآلہ وسلم) نے اس پر مٹی گرائی پھر حضرت ابوبکر کی خدمت میں ایک شرابی کو لایا گیا تو انھوں نے اپنے ساتھیوں سے پوچھا۔ جس آدمی کو رسول اللہ (صلی اللہ علیہ وآلہ وسلم) نے مارا تھا اس کو آپ (صلی اللہ علیہ وآلہ وسلم) نے کتنا مارا تھا ؟ تو اس کا اندازہ چالیس لگایا گیا چنانچہ حضرت ابوبکر نے چالیس کوڑے لگائے۔