(٤٨١٥) حضرت ابو سعید فرماتے ہیں کہ غزوہ خندق میں ہم ظہر، عصر ، مغرب اور عشاء کی نماز نہ پڑھ سکے۔ یہاں تک کہ اللہ تعالیٰ نے اس آیت کو نازل فرمایا { وَکَفَی اللَّہُ الْمُؤْمِنِینَ الْقِتَالَ وَکَانَ اللَّہُ قَوِیًّا عَزِیزًا } پھر نبی پاک (صلی اللہ علیہ وآلہ وسلم) کھڑے ہوئے اور حضرت بلال کو حکم دیا انھوں نے نماز کے لیے اقامت کہی، پھر ظہر کی نماز پڑھی جس طرح پہلے نماز پڑھا کرتے تھے۔ پھر عصر کے لیے اقامت کہی اور عصر کی نماز پڑھی جس طرح پہلے پڑھا کرتے تھے۔ پھر مغرب کی نماز پڑھی جس طرح پہلے پڑھا کرتے تھے۔ پھر عشاء کی نماز کے لیے اقامت کہی اور عشاء کی نماز اس طرح پڑھی جس طرح پہلے پڑھا کرتے تھے۔ یہ عمل اس آیت کے نازل ہونے سے پہلے کا ہے { فَإِنْ خِفْتُمْ فَرِجَالاً أَوْ رُکْبَانًا }۔