(٨٣٦١) حضرت عبداللہ فرماتے ہیں کہ ہمیں نبی پاک (صلی اللہ علیہ وآلہ وسلم) نے خوف کی نماز پڑھائی، لوگ دو صفوں میں کھڑے ہوئے، ایک صف نبی پاک (صلی اللہ علیہ وآلہ وسلم) کے پیچھے بنائی گئی اور دوسری صف دشمن کی طرف منہ کرکے بنائی گئی۔ نبی پاک (صلی اللہ علیہ وآلہ وسلم) نے اپنے پیچھے موجود لوگوں کو ایک رکعت پڑھائی، پھر دوسری جماعت آئی اور ان کی جگہ کھڑی ہوگئی۔ یہ پہلی رکعت پڑھانے والی جماعت دشمن کی طرف چلی گئی۔ نبی پاک (صلی اللہ علیہ وآلہ وسلم) نے اس جماعت کو ایک رکعت پڑھا کر سلام پھیر دیا۔ ان لوگوں نے اپنی ایک رکعت خود پڑھی، پھر سلام پھیر دیا۔ پھر دشمن کی طرف چلے گئے اور وہاں موجود جماعت آگئی انھوں نے اپنی ایک رکعت پڑھ کر سلام پھیر دیا۔