Kanz al-Ummal: Hadith 11217

11213 ۔۔۔ فرمایا کہ ” تم لوگ آپس میں شہید کس کو سمجھتے ہو ؟ عرض کیا کہ جو شخص اللہ کی راہ میں قتل ہوجائے، فرمایا کہ پھر تو میری امت کے شہداء بہت کم ہوں گے اللہ کی راہ میں قتل شدہ بھی شہید ہے اور وہ شخص جو اللہ کی راہ میں اپنے بستر پر مرگیا ہو وہ بھی شہید ہے، پیٹ کی بیماری میں مرنے والا بھی شہید ہے ڈسا ہوا بھی شہید ہے، ڈوب کر مرنے والا بھی شہید ہے دم گھٹنے سے مرنے والا بھی شہید ہے “ اور جس کو درندے نے چیر پھاڑ دیا ہو وہ بھی شہید ہے، اپنی سواری سے گرکر مرنے والا بھی شہید ہے کسی منہدم چیز کے نیچے دب کر مرنے والا بھی شہید ہے اور ذات الجنب کی بیماری میں مرنے والا بھی شہید ہے، اور وہ خاتون جو نفاس میں ہو اور بچے کی ولادت کی وجہ سے شہید ہوگئی ہو وہ اس کو ناف سے پکڑ کر جنت کی طرف کھینچتا ہے “۔ (طبرانی بروایت حضرت ابن عباس (رض))