Kanz al-Ummal: Hadith 11331

11327 ۔۔۔ حضرت سفیان بن عینیہ فرماتے ہیں کہ ایک شخص حضرت عمر (رض) کے پاس آیا اور عرض کیا کہ مجھے سوار کروا دیجئے سو خدا کی قسم اگر آپ نے مجھے سوار کرادیا تو میں آپ کی تعریف کروں گا اور اگر آپ نے مجھے منع کردیا تو میں آپ کی مذمت کروں گا، فرمایا کہ خدا کی قسم پھر تو میں تجھے ضرور سوار کراؤں گا، سو جب اس کو سوار کرادیا تو وہ اللہ تعالیٰ کی حمد بیان کرنے لگا اور شکر کرنے لگا اور حضرت عمر (رض) اس کے پیچھے سن رہے تھے، اس نے حضرت عمر (رض) کا بالکل ذکر نہ کیا اور حضرت عمر (رض) نے فرمایا کہ بیشک اللہ تعالیٰ نے تیری دعا قبول کی “۔ (ھناد)