Kanz al-Ummal: Hadith 11336

11332 ۔۔۔ حضرت اسامۃ بن ابی خزیمہ (رض) سے مروی ہے فرمایا کہ میں نے سنا کہ جناب نبی کریم (صلی اللہ علیہ وآلہ وسلم) اپنے صحابہ کے لیے فرما رہے تھے کہ سنو ! کیا کوئی تیار ہے جنت کے لیے ؟ بیشک جنت میں کوئی خطرہ نہیں اور وہ رب کعبہ کی قسم ایک نور ہے چمکتا دمکتا ہوا، اور پھول ہے لہلہاتا ہوا ، اور پر محل اور بےباری نہر ہے، اور پکا ہوا پھل ہے، اور حسین و جمیل بیوی ہے اور بہت سے جوڑے ہیں، اور بہت بڑا ملک ہے ایسی جگہ جو ہمیشہ کی خوشی اور تازگی کے ساتھ اونچے ، سلامتی والے پر رونق گھر میں ہے صحابہ کرام (رض) نے عرض کیا ، جی ہاں ، یارسول اللہ ! ہم جنت کے لیے تیار ہیں فرمایا ، تو کہو انشاء اللہ، تو سب نے کہا انشاء اللہ ، فرمایا کہ پھر جہاد کا تذکرہ کیا اور اس کی ترغیب دی “۔ (ابن ماجہ ، بزار ، ابی یعلی ، ابن ابی داؤددفی البعث رویانی، رامھر مزی فی الامثال ، طبرانی ، متفق علیہ فی البعث اور حلیہ ابی نعیم)