Kanz al-Ummal: Hadith 11338

11334 ۔۔۔ حضرت ارطاۃ بن المنذر سے مروی ہے فرمایا کہ حضرت عمر (رض) نے اپنے اردگرد بیٹھے ہوئے لوگوں سے دریافت فرمایا کہ لوگوں میں سب سے زیادہ اجروالا کون ہے، لوگ نمازی اور روزے وغیرہ کا ذکر کرنے لگے اور کہنے لگے کہ فلاں اور فلاں امیر المومنین کے بعد ، تو فرمایا کہ کیا میں تمہیں اس شخص کے بارے میں نہ بتاؤں جو ان سب سے زیادہ اجروالا ہے جس کا تم نے ذکر کیا ہے اور امیر المومنین سے بھی ؟ لوگوں نے عرض کیا کہ جی ہاں ، فرمایا شام میں ایک چھوٹا سا آدمی جو اپنے گھوڑے کی لگام تھامے مسلمانوں کی حفاظت کرتا اور نہیں جانتا کہ آیا اس کو کوئی درندہ پھاڑ کھائے گا یا کوئی زہریلا جانور اسے ڈسے گا صبح اس کو ڈھانپے گی، سویہی وہ شخص ہے جو ان سب سے زیادہ اجر والا ہے جن کا تم نے ذکر کیا اور امیرالمومنین سے بھی زیادہ اجر ہے۔