Kanz al-Ummal: Hadith 11526

حضرت نافع فرماتے ہیں کہ جس لشکر نے شام فتح کیا اس میں حضرت معاذ اور بلال (رض) بھی تھے چنانچہ انھوں نے حضرت عمر (رض) کو لکھا کہ یہ مال فئی جو ہمیں حاصل ہوا ہے اس میں سے خمس (پانچواں حصہ) آپ کا ہے اور باقی ہمارا اور اس کے علاوہ اس میں کسی کا کوئی حق نہیں جیسے کہ رسول اللہ (صلی اللہ علیہ وآلہ وسلم) نے خیبر میں عمل فرمایا تھا،
تو حضرت عمر (رض) نے تحریر فرمایا کہ ایسا نہیں ہے جیسے تم سمجھتے ہو بلکہ میں اسے مسلمانوں کے لیے وقف کرتا ہوں۔ سو جب انھوں نے انکار کیا تو حضرت عمر (رض) کھڑے ہوئے اور دعا فرمائی کہ اے میرے اللہ میرے بلال اور ان کے ساتھیوں کی طرف سے کافی ہوجائیے، چنانچہ ابھی سال بھر بھی نہ گزرا تھا کہ تمام حضرات کی وفات ہوگئی،
فائدہ : اسی روایت کے آخر میں مشاجرات صحابہ کی طرف اشارہ ہے ، اہل علم کو اس کا حکم معلوم ہی ہے اور عوام کو اس کی ضرورت نہیں ، لہٰذا ایسی روایات و مسائل کو کھود کرید کرنے کی ضرورت نہیں۔ واللہ اعلم بالصواب