Kanz al-Ummal: Hadith 11768

11764 ۔۔۔ امام عامر الشعبی فرماتے ہیں کہ حارثہ بن بدر الثمیمی نے جنگ و جدل اور فساد پھیلانا شروع کیا، چنانچہ حضرت حسن بن علی حضرت ابن عباس اور حضرت ابن جعفر (رض) وغیرہ اہل قریش نے گفتگو کی اور حضرت علی (رض) سے گفتگو کی تو حضرت عمر (رض) وغیرہ اہل قریش نے گفتگو کی اور حضرت علی (رض) کی خدمت اقدس میں حاضر ہوئے اور عرض کیا کہ امیر المومنین آپ کا اس شخص کے بارے میں کیا خیال ہے جو زمین پر فساد پھیلائے اور جنگ وجدال کرے ؟ تو حضرت علی (رض) نے فرمایا کہ ” بیشک بدلہ ان لوگوں کا جو اللہ اور اس کے رسول (صلی اللہ علیہ وآلہ وسلم) سے جنگ کرتے ہیں “۔ اختتام آیت تک، سورة نور آیت 21 ۔
سعید نے عرض کیا اچھا ایسے شخص کے بارے میں آپ کا کیا خیال ہے جو توبہ کرلے اس سے پہلے کہ آپ اس پر قادر ہوجائیں ؟ فرمایا کہ میں وہی کہوں گا جو اللہ تعالیٰ نے فرمایا ہے اور اس کی توبہ قبول کرلوں گا سعید نے کہا کہ توحارثہ بن زید نے توبہ کرلی ہے اس سے پہلے کہ آپ اس پر قادر ہوں چنانچہ حارثہ آیا تو حضرت علی (رض) نے اسے امان دی۔ (ابن ابی شیبہ عبد بن حمید، ابن ابی الدنیا فی کتاب اور شراف وابن جریر وابن ابی حاتم)