Kanz al-Ummal: Hadith 12145

12145 جبرائیل (علیہ السلام) حضرت ابراہیم (علیہ السلام) کو جمرہ عقبہ لے کر آئے تو شیطان سامنے آگیا تو حضرت ابراہیم (علیہ السلام) نے اس کو سات کنکریاں ماریں کہ وہ زمین میں دھنس گیا، پھر جبرائیل (علیہ السلام) حضرت ابراہیم (علیہ السلام) کو جمرہ قصوی کی طرف لے کر آئے تو شیطان سامنے آگیا، تو حضرت ابراہیم (علیہ السلام) نے شیطان کو سات کنکریاں ماریں کہ وہ زمین میں دھنس گیا، پھر جب حضرت ابراہیم (علیہ السلام) نے حضرت اسحاق (علیہ السلام) کو ذبح کرنے کا ارادہ فرمایا تو حضرت اسحاق (علیہ السلام) نے اپنے والد ( حضرت ابراہیم (علیہ السلام)) سے فرمایا : اے اباجان ! جب آپ مجھے ذبح کریں تو مجھے مضبوطی سے باندھ دیجئے تاکہ میں نہ پھڑ پھڑاؤں کہ کہیں میرے خون کے چھینٹے آپ پر نہ پڑیں ، تو حضرت ابراہیم (علیہ السلام) نے حضرت اسحق (علیہ السلام) کو مضبوطی سے باندھ دیا، پھر حضرت ابراہیم (علیہ السلام) نے حضرت اسحاق (علیہ السلام) کو ذبح کرنے کے لیے چھری اٹھائی اور ذبح کرنا چاہا تو پیچھے سے صدا آئی کہ :
اے ابراہیم ! آپ نے خواب سچ کر دکھایا ہے۔ رواہ احمد فی مسندہ عن ابن عباس (رض) ۔