Kanz al-Ummal: Hadith 12832

12832 حضرت ابوہریرہ (رض) سے مروی ہے کہ وہ ربذۃ میں تھے کہ ان کے پاس حالت احرام والے چھ لوگ گزرے ، انھوں نے شکار کے گوشت بارے میں سوال کیا کہ انھوں نے کچھ لوگ جو حالت احرام میں تھے کو گوشت کھاتے دیکھا تو کیا یہ حالت احرام والے ان کے ساتھ گوشت کھا سکتے ہیں ؟ حضرت ابوہریرہ (رض) نے ان کو کھانے کے متعلق فتویٰ دیا۔ حضرت ابوہریرہ (رض) فرماتے ہیں پھر میں حضرت عمر بن خطاب (رض) کے پاس حاضر ہوا اور ان سے اس کے بارے میں سوال کیا تو انھوں نے پوچھا : تم نے ان کو کیا فتویٰ دیا ؟ میں نے عرض کیا : میں نے ان کو کھانے کا مشورہ دیدیا۔ حضرت عمر (رض) نے ارشاد فرمایا : اگر تو اس کے علاوہ کوئی اور فتویٰ دیتا تو میں تمہیں تکلیف دینے والی مار مارتا۔
مالک ، السنن للبیہقی