Kanz al-Ummal: Hadith 12867

12867 سنان بن عبداللہ الجہنی سے مروی ہے کہ ان کی پھوپھی نے ان کو بیان کیا کہ وہ نبی کریم (صلی اللہ علیہ وآلہ وسلم) کی خدمت میں حاضر ہوئیں اور عرض کیا : یا رسول اللہ ! میری ماں وفات پاچکی ہیں اور اس پر نذر تھی کہ وہ پیدل کعبہ کو جائیں گی ؟ نبی کریم (صلی اللہ علیہ وآلہ وسلم) نے پوچھا : کیا تو ان کی طرف سے پیدل جانے کی استطاعت رکھتی ہے ؟ اس نے عرض کیا : جی ہاں۔ تو نبی کریم (صلی اللہ علیہ وآلہ وسلم) نے فرمایا : اپنی ماں کی طرف سے چلی جا۔ پھوپھی بولیں : کیا یہ میری ماں کے لیے کافی ہوجائے گا ؟ حضور نے فرمایا : ہاں۔ پھر پوچھا : کیا اگر اس پر کسی آدمی کا دین (قرض) ہوتا تو اس کو ادا کرتی تو وہ تیری طرف سے قبول کرلیا جاتا ؟ اس نے عرض کیا : جی ہاں۔ تب نبی کریم (صلی اللہ علیہ وآلہ وسلم) نے فرمایا : تو اللہ اس کا زیادہ حقدار ہے۔ ابن ابی شیبہ، ابن جریر