Kanz al-Ummal: Hadith 12880

12880 عبدالرحمن بن القاسم اپنے والد سے روایت کرتے ہیں کہ اسماء (رض) بنت عمیس نے محمد بن ابی بکر کو مقام بیداء میں جنم دیا۔ یہ بات حضرت ابوبکر (رض) نے رسول اللہ (صلی اللہ علیہ وآلہ وسلم) کو ذکر کی تو رسول اللہ (صلی اللہ علیہ وآلہ وسلم) نے فرمایا : ان کو حکم کرو کہ وہ غسل کرکے تلبیہ پڑھ لیں۔ النسائی ، الکبیر للطبرانی۔
ابن کثیر (رح) فرماتے ہیں مذکورہ روایت منقطع ہے لیکن موصول کے حکم میں ہے، کیونکہ قاسم نے اس کا عائشہ وغیرھا اپنے اہل خانہ سے روایت کیا ہے۔ جب قصہ ثابت ہوگیا تو واسطہ ختم کردیا۔ اور صحیح میں اس طرح کی بہت سی روایات آتی ہیں۔ انتھیٰ