Kanz al-Ummal: Hadith 13140

13140 برتن کسی چیز کو حرام نہیں کرتے، پس جو برتن تمہیں میسر ہوں ان میں نبیذ بناسکتے ہو۔ لیکن ہر نشہ آور شے سے اجتناب کرو۔ الکبیر للطبرانی عن قرۃ بن یاسر
فائدہ : شراب سے متنفر کرنے کے لیے اوائل اسلام میں ان برتنوں کے استعمال سے بھی ممانعت کردی گئی تھی جو شراب سازی کے لیے استعمال ہوئے تھے۔ پھر جب حرمت خمر لوگوں کے دلوں میں مسلم ہوگئی تو آپ نے برتنوں پر سے پابندی اٹھادی۔
نبیذ کھجوریں پانی میں بھگو کر کچھ دیر کے لیے رکھ دی جاتی تھی تآنکہ وہ پانی میٹھا ہوجاتا تو اس کو نبیذ کہا جاتا اور اس کے پینے کی اجازت تھی لیکن اگر زیادہ وقت تک کے لیے چھوڑ دیا جائے تو اس میں نشہ پیدا ہوجاتا ہے پھر وہ شراب کے حکم میں آکر حرام ہوجاتی ہے۔