Kanz al-Ummal: Hadith 13419

13419 واقدی سے مروی ہے فرماتے ہیں : ہمیں ابن ابی سبرۃ نے فرمایا : کہ حضرت عمر بن خطاب (رض) کی بارگاہ میں ایک شخص کو پیش کیا گیا جس نے کوئی جرم کیا تھا۔ حضرت عمر بن خطاب (رض) کو کسی نے عرض کیا : امیر المومنین ! یہ صاحب مرتبہ آدمی ہے۔ آپ (رض) نے فرمایا : اس کے مخالف فریق سے بات کرو۔ کیونکہ نبی اکرم (صلی اللہ علیہ وآلہ وسلم) کا ارشاد ہے : مروت و مرتبہ والوں کی لغزشوں سے درگزر سے کام لو۔ ابوبکر بن خلف بن المرزبان فی کتاب المروء ۃ
کلام : واقدی یہ محمد بن عمر بن واقداسلمی مدنی ہیں۔ ان کی کئی تصانیف ہیں۔ ہمارے دیار (برصغیر ) میں ان کی مشہور تصنیف فتوح الشام کو قبول عام حاصل ہے۔ لیکن تمام اہل علم نے ان کو ضعف پر اتفاق کیا ہے۔ اس لیے مذکورہ روایت محل کلام ہے۔ ان کی وفات 207 ھ میں عہدہ قضاء پر متمکن زمانے میں ہوئی تھی۔ میزان الاعتدال 662/3 ۔