Kanz al-Ummal: Hadith 13425

13425 حضرت ابن عمر (رض) سے مروی ہے کہ رسول اللہ (صلی اللہ علیہ وآلہ وسلم) کی خدمت میں ایک چور کو پیش کیا گیا۔ جب آپ (صلی اللہ علیہ وآلہ وسلم) نے چور کو دیکھا تو آپ کے چہرے کا رنگ بدل گیا، گویا آپ کے چہرے پر انار نچوڑ دیا گیا ہو۔ آنے والے لوگوں نے آپ کی بدلتی غصہ کی کیفیت ملاحظہ کی تو وہ عرض کرنے لگے : یارسول اللہ ! اگر ہمیں معلوم ہوتا کہ اس کا پیش کرنا آپ کو گراں گزرے گا تو ہم اس کو آپ کے سامنے پیش نہ کرتے۔ آپ (صلی اللہ علیہ وآلہ وسلم) نے ارشاد فرمایا : مجھے کیوں نہ گراں گزرے کہ تم اپنے بھائی کے خلاف شیطان کے مددگار بن کر آئے ہو۔ الدیلمی