Kanz al-Ummal: Hadith 13428

13428 مسند عمر (رض) ۔ ابوعثمان نہدی سے مروی ہے کہ حضرت عمر (رض) کی خدمت میں ایک شخص کو حد جاری کرنے کے لیے پیش کیا گیا۔ آپ (رض) نے کوڑا منگوایا۔ ایک کوڑا لایا گیا جس میں شدت (اور سختی) تھی۔ آپ (رض) نے فرمایا : مجھے اس سے نرم کوڑا چاہیے۔ چنانچہ پہلے سے ذرا نرم کوڑا پیش کیا گیا۔ آپ (رض) نے فرمایا : نہیں (یہ زیادہ نرم ہے) اس سے کچھ سخت لاؤ۔ چنانچہ پھر دونوں کے درمیانی ساخت کا ایک کوڑا لایا گیا۔ تب آپ (رض) نے جلاد کو حکم دیا : اس کے ساتھ مار لیکن (کوڑا اٹھاتے وقت) تیری بغل نہ نظر آئے۔ اور ہر عضو کو اس کا حق دو ۔ یعنی کسی ایک جگہ پر ساری تعداد پوری نہ کرو۔ الجامع لعبد الرزاق، المصنف لا بن ابی شیبہ، السنن للبیہقی