Kanz al-Ummal: Hadith 13504

13504 سہل بن سعد سے مروی ہے کہ نبی کریم (صلی اللہ علیہ وآلہ وسلم) کے عہد مبارک میں ایک لڑکی زنا سے حاملہ ہوگئی۔ اس سے پوچھا گیا کہ تجھے کس نے اس حال کو پہنچایا اس نے ایک اپاہج کا نام لیا۔ اس سے پوچھا گیا تو اس نے اپنے جرم کا اعتراف کرلیا۔ نبی کریم (صلی اللہ علیہ وآلہ وسلم) نے ارشاد فرمایا : وہ کوڑے کھانے (کی اہلیت نہیں رکھتا اس) سے کمزور ہے۔ پھر آپ (صلی اللہ علیہ وآلہ وسلم) نے کھجور کا ایک سو تنکوں والا خوشہ ایک مرتبہ مارنے کا حکم دیا۔ چنانچہ وہ خوشہ اس کو ایک مرتبہ مارا گیا۔ ابن النجار