Kanz al-Ummal: Hadith 13542

13542: ابن جریج (رح) سے مروی ہے فرماتے ہیں مجھے ابن شہاب نے ابو سلمہ بن عبدالرحمن عن جابر عبداللہ بن سند سے بیان کیا کہ قبیلہ اسلم کا ایک شخص نبی (صلی اللہ علیہ وآلہ وسلم) کے پاس حاضر ہوا اور اپنے آپ پر چار مرتبہ زنا کی شہادت دی۔ آپ (صلی اللہ علیہ وآلہ وسلم) نے اس کے لیے حکم فرمادیا اور اس کو رجم کردیا گیا۔ چونکہ یہ شادی شدہ تھے۔ لوگوں کا خیال ہے کہ یہ ماعز بن مالک تھے۔
ابن جریج کہتے ہیں مجھے سعید نے ابن عمر کے غلام عبداللہ بن دینار سے روایت بیان کی کہ نبی اکرم (صلی اللہ علیہ وآلہ وسلم) اسلمی کو رجم فرمانے کے بعد کھڑے ہوئے اور ارشاد فرمایا : اس گندگی کے فعل سے اجتناب کرو جس سے اللہ نے منع کیا ہے۔ اور جس سے کوئی حرکت سرزد ہوجائے تو وہ اس کو پوشیدہ رکھے۔ الجامع لعبد الرزاق