Kanz al-Ummal: Hadith 13585

13585 حضرت عطاءؒ وغیرہ سے مروی ہے کہ حضرت عمر (رض) کو خبر ملی کہ ابن ابی یثربی اپنے غلام کی (شادی شدہ) باندی کے ساتھ ہم بستری کرتا ہے۔ آپ (رض) نے اس کو بلایا اور اس سے پوچھا : تو اس نے کہا : تو اس میں حرج ہی کیا ہے۔ حضرت عمر (رض) نے اس کو قتل کا اشارہ کیا۔ ابن ابی یثربی نے اس کا انکار کیا۔ تو حضرت عمر (رض) نے فرمایا : بہرحال اللہ کی قسم ! اگر تم اقرار کرلیتے تو تم کو رجم کردیتا۔
عطاء (رح) وغیرہ فرماتے ہیں : آپ (رض) اس کو پھر بھی رجم نہ فرماتے بلکہ یہ فرمانا اس کو ڈرانے کے لیے تھا۔
مترجم عرض کرتا ہے کیونکہ رجم کے لیے شرط ہے کہ الشیب بالشیب یعنی آزاد شادی شدہ آزاد شادی شدہ عورت کے ساتھ زنا کرے تو رجم لازم ہوتا ہے۔ جبکہ یہاں ایسا نہیں۔ اور غلام کی باندی سے مراد ہے یعنی ان کے غلام نے جس باندی کے ساتھ شادی کررکھی تھی۔ کیونکہ اگر وہ غلام کی ملک ہوتی تو وہ مالک کی ملک ہوتی۔ اگر ایسی صورت ہوتی تو اس میں کوئی حرج نہیں تھا۔ واللہ اعلم بالصواب