Kanz al-Ummal: Hadith 13624

13624 عن معمر عن الحسن کی سند سے مروی ہے کہ حضرت عمرو بن العاص حضرت علی (رض) کے گھر پر گئے اور اجازت لی مگر حضرت علی (رض) موجود نہ تھے اس لیے واپس آگئے۔ پھر دوابرہ کسی وقت گئے تو حضرت علی (رض) کو موجود پایا۔ چنانچہ ان کی موجودگی میں ان کی بیوی سے اپنے کام کی بات کی۔ حضرت علی (رض) نے فرمایا : گویا تم کو عورت سے کام تھا ؟ انھوں نے فرمایا : ہاں۔ لیکن چونکہ رسول اللہ (صلی اللہ علیہ وآلہ وسلم) نے شوہر کی عدم موجودگی میں ان کی عورتوں کے پاس جانے سے منع کیا ہے۔ حضرت علی (رض) نے فرمایا : ہاں ! بیشک رسول اللہ (صلی اللہ علیہ وآلہ وسلم) نے شوہر کی عدم موجودگی میں ان کی عورتوں کے پاس جانے سے منع کیا ہے۔ النسائی