Kanz al-Ummal: Hadith 13675

13675 حضرت انس (رض) سے مروی ہے کہ نبی اکرم (صلی اللہ علیہ وآلہ وسلم) نے شراب نوشی میں چھڑی اور جوتوں سے حد لگائی۔ پھر ابوبکر (رض) نے چالیس کوڑے مارے۔ پھر جب حضرت عمر (رض) کا دور آیا اور لوگ خوشحال مقامات اور بستیوں میں آگئے تو اس وقت حضرت عمر (رض) نے (اہل علم صحابہ (رض)) سے مشاورت کی کہ حد خمر کیا ہونی چاہیے۔ حضرت عبدالرحمن بن عوف (رض) نے فرمایا : میرا خیال ہے کہ شراب کی حد تمام حدود میں سب سے کم حد (جو حد تہمت ہے وہ) وہ مقرر فرمادیں ۔ چنانچہ حضرت عمر (رض) نے اسی کوڑے حد خمر مقرر فرمادی۔ ابن جریر