Kanz al-Ummal: Hadith 13714

13714 عبدالرحمن بن الزھر سے مروی ہے کہ میں نے رسول اللہ (صلی اللہ علیہ وآلہ وسلم) کو فتح مکہ کے سال دیکھا، اس وقت میں نوجوان لڑکا تھا۔ آپ (صلی اللہ علیہ وآلہ وسلم) خالد بن الولید کے ٹھکانے کے بارے میں پوچھ رہے تھے۔ اس وقت آپ (صلی اللہ علیہ وآلہ وسلم) کے پاس ایک شراب نوش کو لایا گیا۔ آپ (صلی اللہ علیہ وآلہ وسلم) نے لوگوں کو اسے مارنے کا حکم دیا۔ چنانچہ لوگوں کے ہاتھوں میں جو کچھ تھا انھوں نے اسی سے اس کو مارنا شروع کردیا، کسی نے کوڑے سے مارا، کسی نے جوتے سے مارا اور کسی نے اپنی لاٹھی سے مارا۔ نبی اکرم (صلی اللہ علیہ وآلہ وسلم) نے اس پر مٹی کی مٹھی پھینکی۔ پھر جب حضرت ابوبکر (رض) کا دور مبارک آیا تو ایک شرابی کو لایا گیا آپ نے حضور (صلی اللہ علیہ وآلہ وسلم) کے اصحاب سے پوچھا کہ رسول اللہ (صلی اللہ علیہ وآلہ وسلم) نے کتنا مارا ہے ؟ صحابہ نے سوچ بچار کرکے بتایا کہ چالیس ضربیں۔ چنانچہ حضرت ابوبکر (رض) نے چالیس ضربیں لگوائیں۔ پھر حضرت عمر (رض) کے دور مبارک میں (سپہ سالار) حضرت خالد بن ولید نے عمر (رض) کو لکھا کہ لوگ اس سا کو کم اور حقیر خیال کرکے شراب میں منہمک ہوگئے ہیں۔ حضرت عمر (رض) کے پاس مہاجرین اولین بھی بیٹھے تھے وہ کہنے لگے : ہمارا خیال ہے کہ آپ اس حد میں اسی کوڑے پورے کردیں۔ حضرت علی (رض) نے بھی اس کی تائید میں فرمایا : آدمی جب شراب پیتا ہے تو ہرزہ سرائی کرتا ہے اور جب ہرزہ سرائی کرتا ہے تو بہتان باندھتا ہے اور بہتان کی سزا (اسی کوڑے ہے یہی آپ) پوری کردیں۔ ابن ابی شیبہ، ابن جریر