Kanz al-Ummal: Hadith 13722

13722 نافع بن کیسان سے مروی ہے کہ ان کے والد نے ان کو اپنا یہ واقعہ سنایا کہ ایک مرتبہ وہ شراب اٹھائے مدینہ جارہا تھا اور اس سے قبل شراب کی حرمت نازل ہوچکی تھی۔ رسول اللہ (صلی اللہ علیہ وآلہ وسلم) نے مجھ سے دریافت فرمایا : اے ابونافع ! تم کیا اٹھا کرلے جارہے ہو ؟ میں نے عرض کیا : شراب ہے، یارسول اللہ ! اور شاید یہ حرام ہوچکی ہے ؟ تو کیا یارسول اللہ ! میں اس کو یہود کے ہاتھوں نہ فروخت کردوں ؟ آپ (صلی اللہ علیہ وآلہ وسلم) نے فرمایا : اس کا فروخت کرنے والا بھی اس کو پینے والے کی طرح ہے۔ روایت کے دوسرے الفاظ یہ ہیں : آپ (صلی اللہ علیہ وآلہ وسلم) نے فرمایا : یہ بھی حرام ہوچکی ہے اور اس کی قیمت بھی حرام ہوچکی ہے۔ چنانچہ ابونافع نے شراب کے مٹکے بطحان وادی میں توڑ ڈالے۔ البغوی، الرویانی، ابن مندہ، الخطیب فی المتفق ، ابن عساکر