Kanz al-Ummal: Hadith 13748

13748 حضرت علی (رض) سے مروی ہے کہ ایک آدمی تھا جس کو لوگ گدھا کہتے تھے۔ وہ نبی اکرم (صلی اللہ علیہ وآلہ وسلم) کے پاس کبھی گھی کا کنستر بھیجتا تھا اور کبھی شہد کا کنستر بھیجتا تھا۔ جب اس کے پاس اس مال کا مالک آکر پیسوں کا تقاضا کرتا وہ وہ اس کو لے کر حضور (صلی اللہ علیہ وآلہ وسلم) کے پاس آجاتا اور عرض کرتا یا رسول اللہ ! اس کے مال کی قیمت ادا فرمادیں۔ آپ (صلی اللہ علیہ وآلہ وسلم) صرف مسکرانے پر اکتفاء فرماتے اور اس کے مال کی قیمت ادا کرنے کا حکم دیدیتے اور وہ اس کو مل جاتی۔ ایک مرتبہ اس کو رسول اللہ (صلی اللہ علیہ وآلہ وسلم) کے پاس لایا گیا اس حال میں کہ اس نے شراب نوشی کی تھی۔ ایک آدمی نے اس کے متعلق کہا : اے اللہ ! اس پر لعنت فرما۔ کتنی بار یہ شراب کی وجہ سے رسول اللہ (صلی اللہ علیہ وآلہ وسلم) کے پاس لایا جاچکا ہے۔ آپ (صلی اللہ علیہ وآلہ وسلم) نے فرمایا : اس کو لعنت مت کرو۔ یہ اللہ اور اس کے رسول سے محبت کرتا ہے۔ ابن ابی عاصم، مسند ابی یعلی، السنن لسعید بن منصور