Kanz al-Ummal: Hadith 13779

13779 ابن جریج سے مروی ہے کہ اسماعیل نے مجھے خبر دی کہ ایک شخص نے وہ مشروب جو حضرت عمر کے لیے بنایا گیا تھا اس میں منہ ڈال کر غٹاغٹ اس کو پی گیا۔ جس سے وہ نشہ میں غرق ہوگیا۔ حضرت عمر (رض) نے اس کو چھوڑ دیا جب اس کا نشہ اتر گیا تو حضرت عمر (رض) نے اس حد جاری فرمائی۔ پھر حضرت عمر (رض) نے وہی مشروب پانی کے ساتھ ملا کر نوش فرمالیا۔
راوی کہتے ہیں : اسی طرح نافع بن عبدالحارث جو مکہ پر حضرت عمر (رض) کی طرف سے گورنر تھے، نے ایک برتن میں حضرت عمر (رض) کے لیے نبیذ بنائی۔ حضرت عمر (رض) کو پینے میں تاخیر ہوگئی حتیٰ کہ نبیذ کا مزاج بدل گیا۔ پھر حضرت عمر (رض) نے وہ منگوائی تو اس کو قدرے سخت پایا۔ آپ نے اس کو بڑے برتن میں ڈالواکر اس میں پانی ملایا پھر آپ نے بھی وہ پانی پیا اور لوگوں کو بھی پلایا۔ مصنف عبدالرزاق