Kanz al-Ummal: Hadith 13819

13819 ابن الرائسی اپنے والد سے روایت کرتے ہیں جو اہل ہجرت میں سے ہیں اور فقیہ صحابی تھے۔ فرماتے ہیں : میں رسول اللہ (صلی اللہ علیہ وآلہ وسلم) کے پاس ایک وفد کے ہمراہ پہنچا وفد اپنی زکوۃ لے کر آپ کے پاس آیا تھا۔
اس وقت آپ (صلی اللہ علیہ وآلہ وسلم) نے ان کو مذکورہ برتنوں میں نبیذ پینے سے منع فرمایا۔ وہ اپنی سرزمین تہامہ واپس لوٹے جو گرم ترین علاقہ تھا۔ وہاں ان کو برتنوں کو چھوڑنا طبیعت کے موافق نہ آیا۔ پھر جب وہ اگلے سال اپنے صدقات (یعنی زکوۃ ) لے کر پہنچے تو انھوں نے عرض کیا : یارسول اللہ ! آپ نے ہم کو جن برتنوں سے منع کیا تھا ان کا چھوڑنا ہمارے لیے باعث مشقت ہوگیا ہے۔ تب آپ (صلی اللہ علیہ وآلہ وسلم) نے فرمایا : جاؤ جن برتنوں میں چاہو پیو۔ لیکن جن برتنوں کے منہ گناہ (شراب) پر بند کیے گئے ہوں ان کو نہ پیو۔ الکبیر للطبرانی