Kanz al-Ummal: Hadith 13892

13892 عمرو بن شعیب سے مروی ہے کہ بنی عامر بن لوی کے چار لوگوں نے ایک اونٹ کو دیکھا اور اس کو نحر کرلیا (کاٹ لیا) مالک اس کی شکایت حضرت عمر (رض) کے پاس لے کر حاضر ہوا۔ حضرت عمر (رض) کے پاس حاطب بن ابی بلتع تشریف فرما تھے، جو بنی عامر بن لوی کے بھائی تھے۔ حضرت عمر (رض) نے ان کو فرمایا : اے حاطب ! اسی وقت اٹھو اور اونٹ کے مالک کے واسطے اس کے ایک اونٹ کے بدلے دو اونٹ خرید کردو۔ چنانچہ حاطب نے آپ (رض) کے حکم کی تعمیل کردی جبکہ حضرت عمر (رض) نے ان چاروں کو کچھ کچھ کوڑے لگوا کر چھوڑ دیا۔ الجامع لعبد الرزاق