Kanz al-Ummal: Hadith 13988

13988 معاویہ بن ابی سفیان (رض) کے متعلق مروی ہے کہ انھوں نے اپنے خطبہ میں ارشاد فرمایا : اپنی نمازوں میں اپنے چہروں اور صفوں کو سیدھا رکھو۔ صدقہ خیرات کرو اور کوئی آدمی یوں نہ کہے : میرے پاس تھوڑا مال ہے، کوئی چیز میرے پاس نہیں ہے۔ بیشک تھوڑے مال والے کا صدقہ اللہ کے نزدیک زیادہ مال والے کے صدقے سے افضل ہے۔ اور کوئی شخص (کسی کے متعلق بات کرتے ہوئے) یوں نہ کہے : میں نے (کسی سے) سنا ہے، مجھے خبر ملی ہے۔ اللہ کی قسم ! اس کو ایسی بات پر پکڑا جائے گا۔ خواہ وہ عہد نوح کے کسی فرد کے متعلق کچھ کہے۔ ابن عساکر