Kanz al-Ummal: Hadith 14121

14121 ابوسلمۃ (رض) سے مروی ہے کہ حضرت فاطمہ (رض) نے حضرت ابوبکر (رض) سے عرض کیا : جب آپ مریں گے تو آپ کا وارث کون ہوگا ؟ ارشاد فرمایا : میری اولاد اور میرے اہل خانہ۔ حضرت فاطمہ (رض) نے عرض کیا : تب کیا بات ہے کہ ہم رسول اللہ (صلی اللہ علیہ وآلہ وسلم) کے وارث نہیں بن رہے۔ حضرت ابوبکر (رض) نے ارشاد فرمایا : میں نے رسول اللہ (صلی اللہ علیہ وآلہ وسلم) کو ارشاد فرماتے ہوئے سنا ہے :
نبی کا کوئی وارث نہیں ہوتا۔
لیکن میں ان اہل و عیال کا خرچہ اٹھاؤں گا جن کا رسول اللہ (صلی اللہ علیہ وآلہ وسلم) خرچ اٹھاتے تھے اور جن پر نبی (صلی اللہ علیہ وآلہ وسلم) خرچ کرتے تھے میں بھی ان پر خرچ کرتا رہوں گا۔
مسند احمد، السنن للبیہقی
نیز اس کو امام ترمذی اور امام بیہقی نے موصولاً عن ابی سلمۃ عن ابوہریرہ (رض) سے روایت کیا ہے اور امام ترمذی (رح) فرماتے ہیں یہ روایت حسن غریب ہے۔