Kanz al-Ummal: Hadith 14131

14131 حضرت ابن مسعود (رض) سے مروی ہے کہ جب رسول اکرم (صلی اللہ علیہ وآلہ وسلم) کی وفات (پرملال) ہوگئی تو انصار کہنے لگے : ” منا امیر ومنکم امیر “ ایک امیر ہم میں سے ہوگا اور ایک امیر تم میں سے۔ حضرت عمر (رض) نے ان کے پاس آکر فرمایا : اے جماعت انصار ! کیا تم کو معلوم نہیں ہے کہ رسول اللہ (صلی اللہ علیہ وآلہ وسلم) نے حضرت ابوبکر (رض) کو حکم فرمایا تھا کہ وہ لوگوں کی امامت کریں۔ اب تم میں سے کس کو اچھا لگے گا کہ وہ ابوبکر سے آگے بڑھے۔ تب انصار (کی آنکھیں کھل گئیں اور وہ) بولے : ہم اللہ کی پناہ مانگتے ہیں کہ ابوبکر سے آگے بڑھیں۔ ابن سعد، ابن ابی شیبہ، مسنداحمد، النسائی، مسند ابی یعلی، السنن لسعید بن منصور، ابن جریر، مستدرک الحاکم