Kanz al-Ummal: Hadith 14176

14176 حضرت ابوبکر (رض) سے منقول ہے کہ انھوں نے حضرت عمر (رض) کو فرمایا : میں تم کو ایسے کام کی طرف بلارہا ہوں جس کو سپرد کردیا جائے وہ اس کی مشقت میں ڈال دیتا ہے۔ پس اے عمر ! اللہ سے ڈر اس کی اطاعت کرنے کے ساتھ ساتھ اور اس کی اطاعت کر اس سے ڈرتے ہوئے۔ بیشک متقی محفوظ ہوتا ہے۔ بیشک یہ منصب آزمائش ہے، اس کا مستحق وہی ہے جو اس پر عمل پیرا ہو۔ اگر کسی نے اس منصب پر آنے کے بعد حق کا حکم دیا، لیکن خود باطل پر عمل کیا، نیکی کا حکم لیکن خود برائی پر عمل کیا تو قریب ہے کہ اس کی امید ٹوٹ جائے اور اس کا عمل بےکار ہوجائے (اے عمر ! ) اگر تو لوگوں پر والی بنے تو کوشش کرنا کہ تیرے ہاتھ لوگوں کے خون سے خشک رہیں، تیرا پیٹ ان کے اموال سے خالی رہے اور تیری زبان ان کی عزتوں کے ساتھ کھیلنے سے بند رہے۔ اور ہر نیکی کی قوت اللہ کے طفیل ہی ممکن ہے۔ الکبیر للطبرانی