Kanz al-Ummal: Hadith 14185

14185 حضرت حسن (رض) سے مروی ہے کہ سب سے پہلا خطبہ جو حضرت عمر (رض) نے کہا وہ آپ (رض) نے حمدوثناء کے بعد یہ فرمایا :
تم کو میرے ساتھ اور مجھے تمہارے ساتھ آزمائش میں ڈالا گیا ہے۔ مجھے اپنے دو ساتھیوں کے بعد خلیفہ بنایا گیا ہے۔ جو ہمارے ساتھ حاضر باش رہا ہم خود اس کا خیال رکھیں گے اور جو ہم سے دور ہوا ہم ان پر صاحب قوت اور امانت دار لوگوں کو والی بنائیں گے۔ جس نے اچھائی برتی ہم اس کے ساتھ نیکی میں اضافہ کریں گے اور جو برائی کی راہ چلا ہم اس کو برے انجام سے گزاریں گے، بس اللہ ہماری اور تمہاری مغفرت فرمائے۔ ابن سعد، شعب الایمان للبیہقی