Kanz al-Ummal: Hadith 14194

14194 حضرت انس بن مالک (رض) سے مروی ہے کہ مجھے ابوبکر (رض) نے زکوۃ وصولی پر مقرر کیا۔ پھر ابوبکر (رض) کی وفات ہوگئی۔ پھر حضرت عمر (رض) نے ان سے پوچھا : اے انس ! کیا تو ہمارے لیے اونٹ لایا ہے ؟ میں نے عرض کیا : جی ہاں۔ حضرت عمر (رض) نے فرمایا : اونٹ ہمارے حوالے کردو جبکہ دوسرا مال تم لے لو۔ میں نے عرض کیا : وہ تو بہت زیادہ ہے۔ حضرت عمر (رض) نے فرمایا : خواہ کتنا ہو، وہ تمہارا ہے۔ وہ چار ہزار درہم تھے۔ چنانچہ میں اہل مدینہ میں سب سے زیادہ مالدار بن گیا۔
ایک روایت میں ہے کہ حضرت عمر (رض) نے پوچھا : کیا تو ہمارے پاس اونٹ لایا ہے ؟ میں نے عرض کیا : پہلے میں بیعت کروں گا پھر باقی خبردوں گا۔ حضرت عمر (رض) نے فرمایا : تمہیں اچھی توفیق ملی ہے۔ چنانچہ حضرت عمر (رض) نے ہاتھ بڑھایا تو میں نے ان کی بیعت کرلی سننے اور اطاعت کرنے پر۔ ابن سعد