Kanz al-Ummal: Hadith 14258

14258 ابی مجلد سے مروی ہے کہ حضرت عمر (رض) نے پوچھا : میرے بعد تم کس کو خلیفہ بناؤ گے ؟ حاضرین میں سے ایک نے زبیر بن العوام کا نام لیا۔ حضرت عمر (رض) نے فرمایا : تب تم بخیل اور بند (ہاتھ والے) یعنی برے اخلاق والے کو خلیفہ بناؤ گے۔ ایک آدمی نے کہا : ہم طلحہ بن عبداللہ کو خلیفہ بنائیں گے حضرت عمر (رض) نے فرمایا : تم ایسے آدمی کو کیسے خلیفہ بناسکتے ہو جس کو رسول اللہ (صلی اللہ علیہ وآلہ وسلم) نے پہلی چیز عطیہ کی جو ایک زمین تھی وہ انھوں نے ایک یہودیۃ کو بطور رھن رکھوادی۔ قوم کے ایک آدمی نے کہا : ہم علی (رض) کو خلیفہ بنائیں گے۔ حضرت عمر (رض) نے فرمایا : میری زندگی کی قسم ! تم ان کو خلیفہ بنانے والے نہیں ہو، قسم ہے اس ذات کی جس کے ہاتھ میں میری جان ہے اگر تم ان کو خلیفہ بنادو تو وہ تم کو حق پر قائم کردے گا خواہ تم کو ناگوار ہی کیوں نہ گزرے۔ تب ولید بن عقبہ جو عثمان بن عفان کا ماں شریک بھائی تھا نے کہا : ہم جان گئے آپ کے بعد کون خلیفہ بنے گا، یہ کہہ کر وہ بیٹھ گیا۔ حضرت عمر (رض) نے پوچھا کون ؟ ولید بولا : عثمان بن عفان۔ حضرت عمر (رض) نے فرمایا : عثمان کیسے محبت کرتا ہے مال سے اور اس کی نیکی اپنے گھر والوں کے لیے ہی ہوگی۔ ابن راھویہ