Kanz al-Ummal: Hadith 14269

14269 شیخ (رح) سے مروی ہے کہ حضرت عثمان (رض) پیچھے رہ گئے اور حضرت علی (رض) خیبر میں تھے۔ جب وہ واپس تشریف لائے تو حضرت عثمان (رض) نے ان کو پیغام بھیج کر بلوایا اور اللہ کی حمدوثناء کی پھر فرمایا : امابعد ! میرے تم پر حقوق ہیں۔ اسلام کا حق ، بھائی چارے کا حق کیونکہ تجھے معلوم ہے جب رسول اللہ (صلی اللہ علیہ وآلہ وسلم) نے صحابہ کے درمیان مواخات قائم کی تھی تو میرے اور تمہارے درمیان مواخات قائم کی تھی نیز میرا تم پر قرابت کا حق ہے ہم زلف ہونے کا حق ہے اور جو تم نے اپنی گردن میں عہد ومیثاق ڈالا ہے۔ یعنی میری خلافت پر بیعت کی ہے اس کا حق ہے۔
البغوی فی مسند عثمان، ابن عساکر