Kanz al-Ummal: Hadith 14299

14299 قطن بن وھب اپنے چچا سے روایت کرتے ہیں کہ ان کو ایک سفر میں حضرت عمر بن خطاب (رض) کی رفاقت کا شرف حاصل ہوا۔ جب حضرت عمر (رض) مقام روحاء کے قریب پہنچے تو (بقول معن اور عبداللہ بن مسلمہ) حضرت عمر (رض) نے ایک چرواہے کی آواز سنی جو پہاڑ سے آرہی تھی۔ حضرت عمر (رض) اس کے پاس پہنچنے کے لیے اوپر چڑھے۔ جب اس کے قریب پہنچے تو حضرت عمر (رض) نے چرواہے کو آواز دی : اے بکریوں کے چرواہے ! چرواہے نے آپ کی آواز کا جواب دیا۔ تب حضرت عمر (رض) نے ارشاد فرمایا :
اے چرواہے ! میں ایسی جگہ کے پاس سے گزر کر آرہا ہوں جو تیری اس جگہ سے زیادہ سرسبز و شاداب ہے۔ اور ہر راعی (چرواہے) سے اس کی رعایا کے بارے میں سوال کیا جائے گا۔
یہ کہہ کر آپ (رض) اتر کر سواریوں کے ساتھ آملے۔ موطا امام مالک، ابن سعد