Kanz al-Ummal: Hadith 14352

14352 حضرت ابوالطفیل سے مروی ہے کہ میں نے حضرت علی (رض) کو ارشاد فرماتے ہوئے سنا : میں اپنا سر کسی چیز سے نہ دھوؤں گا جب تک کہ بصرہ جاکر اس کو نہ جلادوں اور میں وہاں سے لوگوں کو اپنی لاٹھی کے ساتھ ہانک ہانک کر مصر نہ لے جاؤں۔ ابوالطفیل فرماتے ہیں : یہ سن کر میں حضرت ابومسعود (رض) کے پاس گیا اور ان کو حضرت علی (رض) کے عزائم کے متعلق آگاہ کیا۔ حضرت ابومسعود (رض) نے ارشاد فرمایا : حضرت علی (رض) کاموں کو ان کی صحیح جگہوں پر رکھ دیتے ہیں جبکہ دوسرے لوگ ان تک صحیح پہنچ بھی نہیں پاتے۔ علی اپنا سر دھوئیں گے اور نہ بصرہ آئیں گے، نہ اس کو جلائیں گے اور نہ لوگوں کو اپنی لاٹھی کے ساتھ مصر ہانکیں گے۔ علی فقیر منش آدمی ہیں ان کا سرطشت کی طرح۔ بالوں سے بےنیاز اور چکنا ہے۔ آپ (رض) کے اردگرد مرغوب چیزیں پھیلی ہوئی ہیں۔ التاریخ للخطیب