Kanz al-Ummal: Hadith 14384

14384 حضرت ابوذر (رض) سے مروی ہے کہ میں مسجد میں سو رہا تھا کہ اچانک رسول اکرم (صلی اللہ علیہ وآلہ وسلم) میرے پاس تشریف لے آئے اور مجھے پاؤں مار کر اٹھایا اور فرمایا : کیا بات ہے میں (تجھے) سوتا دیکھ رہا ہوں ؟ میں نے عرض کیا : یارسول اللہ ! نیند مجھ پر غالب آگئی تھی۔ حضور اکرم (صلی اللہ علیہ وآلہ وسلم) نے ارشاد فرمایا : جب تجھے یہاں سے لوگ نکالیں گے (جلاوطن کریں گے) تب تم کیا کروں گے ؟ میں نے عرض کیا : میں ملک شام چلا جاؤں گا کیونکہ وہیں میدان حشر ہوگا اور وہ مقدس سرزمین ہے۔ حضور اکرم (صلی اللہ علیہ وآلہ وسلم) نے ارشاد فرمایا : جب وہاں سے بھی لوگ تم کو نکالیں گے تب کہاں جاؤ گے ؟ میں نے عرض کیا : پھر میں دوسارہ اپنے اسی وطن ہجرت (مدینہ) لوٹ آؤں گا۔ آپ (رض) نے فرمایا : تب میں اپنی تلوار اٹھالوں گا اور جنگ کروں گا۔ حضور (صلی اللہ علیہ وآلہ وسلم) نے ارشاد فرمایا : تو اس سے بہتر عمل اور زیادہ مقرب عمل کیوں نہیں کرتا ؟ تو اپنے امیر کی بات سننا اور اس پر عمل کرنا اور جہاں تجھے وہ کھینچے تو کھنچ جانا۔ ابن جریر